دردشه

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

سيرفرات وشفرات كروت الستالايت لمشاهده الجزيره الرياضيه والارتي وكل الباقات المشفره


    مواصفات البنت المصريه من غير زعل طبعا بس دا الواقع

    شاطر
    avatar
    lovely bird
    دلـــــــــ المنتدي ـــــــــوعة
    دلـــــــــ المنتدي ـــــــــوعة

    عدد الرسائل : 115
    العمر : 26
    الشكر : 0
    تاريخ التسجيل : 21/02/2009

    حصري رد: مواصفات البنت المصريه من غير زعل طبعا بس دا الواقع

    مُساهمة من طرف lovely bird في 15/06/09, 12:31 pm

    Mad Mad Mad Mad
    دانت كده مش هتشعللها دانت هتولعها بتقوم الشباب على البنات ليه دا البنات المصريه مفيش احسن منهم Wink Wink لا تقولي لبناني ولا سوري ده بدل مارفعوا من روحهم المعنويه.
    هههههههههههههههههههههههههه
    بس حلو الموضوع تسلم ايديك ويارب تجيب النيو علطول
    avatar
    Drdasha
    Admin
    Admin

    عدد الرسائل : 346
    العمر : 32
    الشكر : 0
    تاريخ التسجيل : 16/04/2008

    حصري مواصفات البنت المصريه من غير زعل طبعا بس دا الواقع

    مُساهمة من طرف Drdasha في 18/08/08, 02:24 pm

    احنا نخش فى الموضوع علطول , بصراحة كدة البنت المصرية غير اى بنت خلقها ربنا فى الدنيا , و طبعا بلاش نعمم عشان صوابع الايد مش زى بعضها بس المشكلة ان البنت المصرية فيها شوية صفات كدة مستفزة و هية للاسف مش واخدة بالها انها مستفزة , نبدا بالصفات دى.

    1) التناكة..
    مرة كنت فى المهندسين و رايح لعيادة زميل مش انا يعنى دة واحد معرفوش و كنت مش عارف مكان العيادة بالظبط لانى مش دايس المهندسين اوى قلت اعمل ايه؟
    اركن على جنب و اسال اى حد معدى فى الشارع تصرف بديهى طبعا و مافيهوش اى حاجة, و من سوء حظى العاثر وقع نصيبى فى واحة بنت , بمنتهى الذوق و التهذيب و الوقار سالتها عيادة الدكتور هشام فين؟ راحت البنت بصالى بمنتهى الذوق و الوقار بردو و راحت مسمعانى باقة منتقاة من افضل ما انتجته قريحة الصيع من شتايم اعجبت طبعا بسرعة الاداء و مهارة الالقاء ال ايه كانت فاكرانى بعاكسها و سابتنى مذهول و مشيت.
    شفتوا المهزلة الانسانية.


    2) التناكة..
    البنت المصرية تعتبر اى ولد يتكلم معها مجرم اثيم يحاول التقرب منها لسبب خبيث الا و هو التعرف عليها حتى يثبت العكس.لاحول و لا قوة الا بالله.
    يعنى مثلا لو اضطرتك الظروف فى يوم من الايام فى الجامعة انك تكلم بنت مش من شلتك ( خاصة فى طب او هندسة) لابد ان يكون لديك من الاسباب و المبررات التى تقنعها انك لست ذئبا بشريا و انك لا تسال على ميعاد المحاضرة كمقدمة لسبب اخر لا داعى لذكره(عشان العيال الصغيرة اللى بتقرا الموضوع معانا)
    حاولت تتكلم مع بنت فى كليتك بس من جنسية تانية هتلاقيها بتتكلم معاك عادى كانك بنى ادم طبيعى خلقه ربنا , اما البنت المصرية لازم تقعد تخطط و تتكتك عشان تعرف تكلمها و مش تفهمك غلط.
    على ايه دة كله يا اكسلانس.

    3) الشياكة
    البنت المصرية بصراحة ربنا بتتشيك بطريقة لا باس بها اطلاقا روح سيتى ستارز( مش بتكلم على معهد الصنايع اللى جنب بيتكم يا خفيف)البنت دى فى الاعم بتعمل الشويتين دول عشان تعجب الشاب الغلبان المسكين اللى هيقرر يرتبط بيها و بعد الجواز انت عارف اللى فيها.
    على الرغم من كدة الخبراء اكدوا ان الجيل الصاعد بتاع اليومين دول فى امل كبير اوى و احتمال يغيروا النظرية دى , و مين عارف ربك ممكن يعمل ايه بين يوم و ليلة.

    4) احتقار الرجل

    كان في مرة راجل رحالة جه مصر و لاحظ تسلط نسائها على ازواجهم فحاول انه يبحث فى الامر دة و لما سال و استفسر عرف ان لما خرج فرعون للقاء موسى خرج و معه كبار القوم و ترك النساء و العبيد فلما غرق فرعون و من معه قام النساء بالتزوج من هؤلاء العبيد و كانوا يحتقرونهم اشد الاحتقار و من هنا جاء تسلط النساء على الرجال فى مصر.
    شايف القصة المهببة دى ؟ اهو الراجل الغريب قالها بنفسه.طب بتعملوا فينا كدة ليه يا ستات مصر طب بلاش عشانا طب عشان سمعة البلد برة يرضيكم اللى بيتكتب دة يعنى.

    نعمل ايه طيب؟
    بعد ما شفنا البنات بيتعاملوا معانا ازاى يا شباب لازم ما نسكتش لازم نعمل واقفة ونطبع مفروشات و نظبط نفسنا خد عندك الحلول.
    1) المساواة... فى الظلم عدل
    زمان كانت الست المصرية بتحارب عشان حقوقها دلوقتى لولا الكسوف كنا عملنا جمعية مناصرة حقوق الراجل.شوف بس لو كنت بتركب مترو ولا اتوبيس و ركبت بنت لابسة بادى كدة وشوف اللى هيحصل هتلاقى شاب هلهولة كدة عاملك نفسه فيها (7 رجالة)جنتل مان و قايملها و البنت طبعا مش هتنزل الا اخر الخط عشان تخليه واقف اطول فترة ممكنة.
    النصيحة اللى اتحمل مسؤليتها كاملة انك لما تلاقى بنت حلوة و عايشة الدور طالعةا المواصلة اللى انت راكبها اياك تقوم و تقعدها مكانك , اولا صحتها احسن من صحتك( بطل انت السجاير و الحشيش و عيب بقى انت كبرت وبلاش صهر بليل )ثانيا هية مش من بقيت اهلك( لو امك او خطيبتك اللى داخلة ما تستهبلش يعنى)
    و ثالثا لو عامل كدة عشان تبين لها انك واد جنتل و حنين عشان تتعرف عليها ف اعرف انها مش هتخليك تتعرف عليها حتى لو عملتلها قرد , يعنى هتبقى قمت ووجعت رجلك على الفاضى و غالبا مش هتاخد ثواب لان نيتك كانت مش كويسة.رابعا ) البنت دى مش كبيرة فى السن وشابة زيادة عن اللزوم زى ما انت شايف تقوم ليه بقى؟؟ و بعدين لو هيه قاعدة و انت اللى داخل كانت هتقوملك ولا هتعبرك فى الجزمة القديمة .المفروض تقوم وتقعد البنت اللى واقفة فى الحالات دى..
    لو لقيتها بنت غلبانة او محترمة او فتاة عاملة او ست كبيرة ... يبقى لازم تقوم طبعا مش عايزة كلام.لكن لو بنت من اياهم, تبقى شاب لا مؤاخذة (*****)لو قعدتها مكانك.

    الحل الثانى) و لا تعبرهم...
    سالت مرة بنت .. انتى ليه بتلبسى كدة, قالتلى عشان كدة اشيك, و لما الحيت عليها فى السؤال( غلاسة بقى) قالتلى عشان احس ان انا حلوة و الناس تبص عليا.
    شفت يا معلم يعنى البنت عاملة كل دة فى نفسها عشان انت تهتم بيها, و سيادتك هتتكيف و تتبسط و بردو مش هتعبرك يا عم الدون جوان.
    اقولك حاجة؟؟ و لا تعبرها.لو زميلتك عاملة كدة يبقى احلقلها ميرى يعنى مش الببيت تبص وتضحك تقوم لا انت مش عمرو دياب ضحكت يعنى قلبها حن يا معلم.. نفضلها و سيبها.
    يعنى لو موبايلك رن, و انت بتكلمها رد عليه و سيبها و امشى... و لو واحدة ماشية فى الشارع كدة ولا تبصلها و لا تعبرها.. كانها هوا معدى شىء عابر كدة ولا تعبره.
    لعلمك الحركة دى بتجننهم جدا فوق ما تتخيل.. لان البنت من دول متعودة ان الناس بتعجب بيها و تطلب رضاها.. خلى كرامتك تنقح عليك مرة بس و نفضلها.. و لا تبصلها يا شقيق.. بين ان انت مش عبيط زى الناس التانية و ان الحركات دى ما تخيلش عليك وواخد فيها درس زى العبد لله, هتلاقيها اشتعلت نار و اتفحمت فاحمة سودة , بس احسن تستاهل.و اى خدمة , و منتظرين رد البنت المصرية.. و هنشعللها نار عدم المؤاخذة ...و ربنا يستر بقى.

    يا جماعة محدش يزعل و ربنا يستر بقى
    ونصيحة من اخوك الصغيور الى ممكن تطلبو من ولد لية تزل نفسك وتطلبو من بنت ..


    _________________

      الوقت/التاريخ الآن هو 19/07/18, 12:20 am